TAARIFA KWA DIASPORA NA UMMA WA WATANZANIA

TAARIFA KWA DIASPORA NA UMMA WA WATANZANIA

Baraza la Diaspora wa Tanzania Duniani – Tanzania Global Diaspora Council (TDC GLOBAL), linayo furaha kubwa kuutangazia umma wa Watanzania waishio Ughaibuni (Diaspora) na wale waishio nyumbani Tanzania kuwa limekamilisha usajili wake nchini Sweden tarehe 18 May 2018. TDC Global imesajiliwa kama taasisi ya hiari na isiyo ya kibiashara (Non Profit organisation). Namba yake ya Usajili ni 802516-6979 na anwani ya posta ni Box 1089, 10139 Stockholm, Sweden. Namba za simu kwa shughuli za kiofisi ni +46 729 165 552 na
+46 739 484 288. Barua Pepe ni: info@tdcglobal.org na tovuti ni: www.tdcglobal.org

Lengo kuu la baraza hili ni kuwaunganisha watanzania wote wanaoishi ughaibuni katika chombo kimoja TDC Global, kitakachokuwa mwakilishi wa mambo yote yanayohusu diaspora huko wanapoishi na nyumbani Tanzania. Halikadhalika, TDC Global ina lengo la kuunganisha nguvu za Diaspora ili kuchangia kukuza uchumi wa nchi yetu Tanzania na kuleta maendeleo chanya kwa Wananchi wote wa Tanzania waliopo nyumbani na nje ya nchi.

Pamoja na kutangaza usajili wetu, baraza linapenda pia kuwatambulisha kwa umma viongozi wake, Wajumbe wa kamati ya utendaji na wajumbe wa kamati ya uteuzi. Picha, Majina, nafasi zao za uongozi na namba zao za simu zinaonekana hapo chini .

Uongozi wa TDC Global unapenda kuchukua nafasi hii kutoa shukrani zake za dhati kwa viongozi wote wa Vyama vya Diaspora vilivyoshirikiana na viongozi wa baraza na waanzilishi wa TDC Global, kwa kazi kubwa waliyoifanya hadi kufanikisha Tanzania Global Diaspora Council kuwa taasisi kamili. Mungu awabariki sana. Wote walifanya kazi hii kwa moyo sana na kwa kujitolea bila malipo. Tuna imani kuwa wataendelea kutoa ushirikiano wa hali ya juu ili kusaidia kufikia malengo ya baraza kwa pamoja na kwa haraka zaidi.

Tunarudia tena kuwashukuru wote walioshiriki kwa namna moja au nyingine katika safari hii ndefu ya usajili wa TDC Global. Asanteni sana na mwenyezi Mungu awabariki.

Simu za Wajumbe wote wa Kamati ya Utendaji

01. Mwenyekiti. Simu +46 72 916 55 52
02. Makamu Mwenyekiti. Simu +35 84 5180 920
03. Katibu. Simu +46 739 484 288
04. Naibu Katibu. Simu +46 704 956 650
05. Katibu wa Hazina. Simu +46 706 508 823
06. Naibu Katibu wa Hazina. Simu +256 782 989 330
07. Mjumbe wa kamati ya utendaji (Bi. E. Pedersen) Simu +46 725 145 750
08. Mjumbe wa kamati ya utendaji (Bi. N. Kitilya) Simu +44 794 646 7394
09. Mjumbe wa kamati ya utendaji ( Bw. T. Kilumanga) Simu +46 705 263 303
10. Mjumbe wa kamati ya utendaji (Bi. F. Ndaro) Simu +1 316 350 4527
11. Mjumbe wa kamati ya utendaji (Bi. B. Razafinjatovo) +32 479 470 927
12. Mjumbe wa kamati ya utendaji (Bw. L. Mukami) +1 301 661 6696
13. Mjumbe wa kamati ya Uteuzi (Bw. J. Msangi) +1 6475 018 317
14. Mjumbe wa kamati ya Uteuzi (Bw. H. Nganzo) +47 472 62 181
15. Mjumbe wa kamati ya Uteuzi (Bw. J. Warioba) +44 7570 773 369
16. Mjumbe wa Kamati ya Uteuzi (Bi. B. Kyelu) +61451694804
17. Mjumbe wa Kamati ya Uteuzi (Bw. B. Kazora) +12698730937
18. Mjumbe wa Kamati ya Uteuzi (Dkt C.M Tungaraza) +61413772269

Share this post

Comments (8)

  • Hodari Mchemba
    Hodari Mchemba Reply

    Nawashukuru wote mliofikiria kuanzisha umoja huu Mungu awabariki sana.
    Nimefurahi kujiunga wala sikusumbuka hata chembe naahidi kuwatangazia wenzetu ambao huenda hawajuwi kama tumepata chombo cha kubeba na kutetea haki zetu sisi watanzania waishio ughaibuni na ndani ya Tanzania.

    AHSANTE
    Hodari Varberg Halland Region

    August 13, 2018 at 8:30 pm
  • Matthew Paulo Sanka
    Matthew Paulo Sanka Reply

    habari kwa ndugu zangu wote humu nami niwashukuru wale wote waliojitolea kuanzisha chombo hiki ili mawazo na hisia za wa-Tanzania waishio ughaibuni zipate nafasi na uwakilishi. Mungu awabariki sana. Mungu ibariki nchi yetu, Tanzania. asanteni.

    August 14, 2018 at 6:50 pm
  • Omar Ali
    Omar Ali Reply

    Hello Tanzanian.
    Natoa shukrani zangu za dhati kabisa kwa waliofikiria kuanzisha chombo hiki. Nimwanzo mzuri, bali naomba kiwe na sura ya utanzania. Tuwe pia na uwakilishi kutoka Zanzibar. Tusiwasahau ndugu zetu kutokea upande wa pili wa Tanzania kuwemo katika uongozi ili kuiwakilisha pia nchi yao na kuwa na sura kamili ya Muungano. Nakutakieni kila la kheri na mafanikio. Wenu mtiifu!

    September 10, 2018 at 11:17 am
    • Hassan Nganzo
      Hassan Nganzo Reply

      Tunashukuru kwa mawazo yako na shukran zako.
      TDC GLOBAL ni kwa Watanzania wote Diaspora wakiwemo wazanzibari.
      Mtanzania yoyote akijitokeza kuomba uongozi nafasi zipo wazi.Ni vema wapatao ujumbe wa
      kujiunga kwa TDC basi wawafikishie na wazanzibari kwani ni watanzania halali.
      Uongozi uliopo kwa sasa ni wa muda kwahiyo baada ya 2 yrs nafasi zote za uongozi zitakuwa wazi kwa watanzania
      Diaspora kuomba na kuchaguliwa rasmi.

      September 10, 2018 at 3:39 pm
      • Hassan Nganzo
        Hassan Nganzo Reply

        Shukran sana Dr Lameck kwa mchango wako wa mawazo ya kimaendeleo kwa Diaspora na Taifa letu kwa ujumla.Pia nawe usikose kuwa balozi wa TDC kwa kuwajulisha wanadiaspora waliopo USA kuendelea kujiunga na TDC ili tuweze kuwa na sauti moja kwa manufaa ya wote.

        Wasalaam
        TDC TEAM

        October 9, 2018 at 2:04 pm
  • Dudley Lameck
    Dudley Lameck Reply

    Wazo la kuanzisha TDC GLOBAL kuwakilisha Watanzania wote wa Diaspora ni zuri sana na ninawapongeza waanzilishi. Kwa kupitia chombo hicho Watanzania wa Diaspora wanakuwa na sauti kuelezea mambo muhimu yanayowahusu sio wao na familia zao tu bali pia ndugu zao walio Tanzania na wanainchi wengine .
    Kwa mawazo yangu moja ya tatizo kubwa ni kukosekana kwa sheria Tanzania inayoruhusu “Dual Citizenship”. Ingawa tatizo hilo limekuwa linashughulikiwa kwa muda mrefu, nadhani sasa kwa kuwepo kwa TDC GLOBAL msukumo na mbinu mpya zinaweza kutumika ili kufanikisha swala hilo. Uongozi wa Tanzania pamoja na wabunge wakielimishwa kwa makini kuhusu inchi na Watanzania kwa jumla watafaidika vipi kwa kuwa na sharia hiyo itakayowahusu wana DIASPORA. Inashangaza inchi inatoa vivutio kwa wafanya biashara kutoka inchi za inje waanzishe miradi mbali-mbali lakini sisi wazawa wa inchi hiyo ambao tunandugu na miradi au tunauwezo wa kuanzaisha miradi hatupewi kipaumbele. Ni kama vile hatuna uzalendo, na hali hiyo inasikisha sana. Watanzania wengi wangepata ajira kwa uwekezaji wetu, serikali ingekusanya kodi, sisi ingetupunguzia gharama za VISA, ingeondoa wasi-wasi wa kupoteza mali kwa kutaifishwa, Wengi tunafanya kazi mbili-mbili ili kupata fedha za kuanzishia miradi Tanzania lakini fedha inakaa Bank kwa kuogopa kuanzaisha miradi ambayo msimamo wake haueleweki. NA HILO LINASIKISHA SANA.

    Pia kupitia TDC GLOBAL wana DIASPORA wangeweza kutoa mawazo na ushauri kwa Wizara mbalimbali kufuata na elimu waliyonayo kwa miradi ambayo inaonekana haiendi kama inavyotakiwa. Hilo halifanyiki kwa sababu viongozi hawajaona au hawajaelimishwa umuhimu wake, baadhi yao wanadhani tuko huku kwa sababu tumeukana uraia wa Tanzania. TDC GLOBAL ifanye juhudi kutoa wasi-wasi huo. Tunauombea uongozi tulionao uendelee kufuatilia swala hilo.

    Dr Dudley Lameck

    Raleigh, North Carolina, USA.

    October 9, 2018 at 1:10 am
  • Samson Ghashasha
    Samson Ghashasha Reply

    Habari zenu Watanzania wenzangu popote mlipo matumani yangu wote hamjambo na familia zenu,adha naomba kuungana na wenzanu kutoa shukrani zangu za dhati kabisa kuwashukuru na kuwapongeza wale wote waliyo anzisha chombo hiki muhimu kwetu na taifa letu kwa ujumla Mungu awabariki sana mwendele kuwa na moyo wana namna hii na Mungu awatie nguvu katika utendaji wenu wa kazi.
    Asanteni sana

    Samson Ghashasha

    October 29, 2018 at 2:42 pm
    • Hassan Nganzo
      Hassan Nganzo Reply

      Shukran sana Samson
      Tupo pamoja kwa kuendeleza chombo hiki ili tuwe na sauti moja.
      Pamoja Twaweza,Mtu kwao Ndio Ngao

      Rgds
      TDC TEAM

      October 30, 2018 at 7:35 pm

Leave a Reply

Your email address will not be published. Required fields are marked *


X