Baraza la diaspora Watanzania duniani- TDC Global linawajulisha washiriki wa kongamano la diaspora litakalofanyika tarehe 11 Julai 2023 kuanzia saa mbili asubuhi, na Wanachama wa TDC Global watakaoshiriki mkutano mkuu utakaofanyika tarehe 12 Julai 2023 kuwa ukumbi wa mkutano umebadilishwa, kuwa ukumbi wa Cardinal Rugambwa Social Centre uliopo Haile Selassie Road, Oyster bay Dar es Salaam.

Mabadiliko hayo yametokana na ongezeko la idadi ya washiriki katika mkutano huo, lililopelekea ukumbi wa awali kutokidhi mahitaji ya TDC Global kwa mkutano huo. TDC Global inaomba radhi kwa wanachama na umma kwa badiliko hilo.